Aonmelle es vrijwèlleger
Veldeke is ’n vereineging die gans door vrijwèllegers weurt gedrejd. Bestuurslede eb mètwèrkers verriechte hun wèrk oonbezoldeg. ’t Is de leefde veur de Limburgse taol die hun drijf en motiveert um ziech op alle meugeleke terreine in te zètte.
Veer kinnen altied mie vrijwèllegers gebruke um eus missie – ’t behawwe en bevordere vaan de Limburgse taol in al zien variante – oet te veure. Dat vrijwèllegerswerk kint bestoon oet deilnaome aon besture of commissies in de versjèllende lokaol Veldeke kring of op provinciaol nivo.
Meh veer kinne ouch oondersteuning begruke op prjekbasis. Dat zien tijdeleke initiatieve mèt ’n dudelek aofgebakende taak en doelstèlling en ’n dudelek aofgebakend tiedpaad. Dus ouch es geer uuch zoen oe en daan wel ins wèlt inzètte veur Veldeke, zoonder langdorende verpliechtinge, daan zeet geer vaan harte welkom.
Geer kint eusr bereidheid um mèt te wèrke kinbaar make door bijgaond formuleer in te völle en aon us door te maile. Veer numme dan zoondermie kontak mèt uuch op um te bekieke wat veer veurein kinne beteikene. Op ‘f formuleer kint geer ouch aongeve op wat veiur terreine geer gere actief zeet en boe eur expertise ligk.
Wèrke es vrijwèllegers is neet allein ’n zinvol tiedbesteiing meh ’t is ouch leuk um te doen. Geer maak kinnes mèt ander vrijwèllegers die de Limburgse taol allemaol e werm hart touwdrage. Aonmelle is gans vrijblievend, veer lègke uuch gein verlciechtinge op. Perbeer ’t ins!